അഴിമതി വിരുദ്ധ മിഷന്‍ രൂപീകരിക്കും
ന്യൂഡല്‍ഹി: അഴിമതിക്കെതിരെ ദേശീയ തലത്തില്‍ അഴിമതി വിരുദ്ധ മിഷന്‍ രൂപീകരിക്കാന്‍ ധാരണയായി. ഇതിനായി കേന്ദ്രസര്‍ക്കാര്‍ 100 കോടി രൂപ നീക്കിവയ്‌ക്കും. ഡല്‍ഹിയില്‍ ചേര്‍ന്ന സി ബി ഐയുടേയും സംസ്‌ഥാന വിജിലന്‍സ്‌ ആന്‍ഡ്‌ ആന്റി കറപ്‌ഷന്‍ ബ്യൂറോ മേധാവികളുടേയും യോഗത്തിലാണ്‌ ഇതു സംബന്ധിച്ച തീരുമാനം ഉണ്ടായത്‌.
അഴിമതിയുടെ വ്യാപനം തടയുന്നതും അഴിമതിക്കാര്‍ക്ക്‌ ശിക്ഷ ഉറപ്പാക്കുന്നതുമാണ്‌ ദേശീയ അഴിമതിവിരുദ്ധ മിഷന്റെ രൂപീകരണ ലക്ഷ്യം. വന്‍കിട അഴിമതിക്കാര്‍ കേസുകളില്‍നിന്നും രക്ഷപ്പെടുന്ന അവസ്ഥയാണ്‌ ഇന്നുള്ളതെന്നും അത്‌ ഒഴിവാക്കാന്‍ നടപടി വേണമെന്നും ഇന്നലെ പ്രധാനമന്ത്രി മന്‍മോഹന്‍ സിംഗ്‌ യോഗം ഉദ്‌ഘാടനം ചെയ്യവേ പറഞ്ഞിരുന്നു.
ഇതിന്റെ ചുവടുപിടിച്ചാണ്‌ ദേശീയതലത്തില്‍ അഴിമതി വിരുദ്ധ മിഷന്‍ രൂപീകരിക്കുന്നത്‌.
0 comments:
Post a Comment