പത്മജ മുന്‍ജന്മ ശത്രു: മുരളി
തിരുവനന്തപുരം: മുന്‍ജന്മ ശത്രുവാണ്‌ തന്റെ സഹോദരിയായി ജനിച്ചതെന്ന്‌ കെ മുരളീധരന്‍. താന്‍ കോണ്‍ഗ്രസിലേക്കു മടങ്ങി വരുന്നതില്‍ കെ കരുണാകരന്‌ താല്‍പര്യമുണ്ടങ്കിലും സഹോദരി പത്മജയ്‌ക്കുള്ള എതിര്‍പ്പിനെക്കുറിച്ച്‌ പ്രതികരിക്കുകയായിരുന്നു മുരളി.
മൂന്നു രൂപ വരുന്ന കോണ്‍ഗ്രസ്‌ അംഗത്വം തനിക്കു നല്‍കിയാല്‍ ആകാശം ഇടിഞ്ഞു വീഴില്ലെന്നും മുരളീധരന്‍ തിരുവനന്തപുരത്തു പറഞ്ഞു. എന്‍ സി പി വിട്ട്‌ കോണ്‍ഗ്രസില്‍ ചേരാന്‍ തീരുമാനിച്ചവരുടെ യോഗത്തില്‍ സംസാരിക്കുകയായിരുന്നു മുരളീധരന്‍. താന്‍ മനസുകൊണ്ട്‌ കോണ്‍ഗ്രസുകാരനായിക്കഴിഞ്ഞെന്നും, കോണ്‍ഗ്രസിലേക്കു മടങ്ങാനുള്ള തീരുമാനം അന്തിമമാണെന്നും മുളീധരന്‍ അറിയിച്ചു.
