ഓഹരി വിപണിയില്‍ നേരിയ ഉണര്‍വ്‌
പ്രതീക്ഷയ്‌ക്ക്‌ വകയില്ലാതായതോടെ ബജറ്റ്‌ പ്രഖ്യാപന ദിവസം മൂക്കുകുത്തിയ ഓഹരി വിപണിയില്‍ ഇന്ന്‌ നേരിയ ഉണര്‍വ്‌ പ്രകടമായി.
ഇന്ത്യന്‍ ഓഹരി സൂചികകളായ സെന്‍സക്‌സും നിഫ്‌ടിയും ഇന്ന്‌ വളര്‍ച്ച രേഖപ്പെടുത്തി. സെന്‍സക്‌സ്‌ 127.05 പോയിന്റ്‌ ഉയര്‍ന്ന്‌ 14,1070.45 പോയിന്റിലാണ്‌ ക്ലോസ്‌ ചെയ്‌തത്‌. നിഫ്‌ടിയില്‍ 36.45 പോയിന്റ്‌ വര്‍ധനയാണുണ്ടായത്‌. 4202.15 പോയിന്റിലാണ്‌ നിഫ്‌ടി വ്യാപാരം അവസാനിപ്പിച്ചത്‌.
ബജറ്റില്‍ ഏറെ ്രപതീക്ഷകളര്‍പ്പിച്ച്‌, ഉയര്‍ന്നുനിന്ന ഓഹരി വിപണിയില്‍ ഇന്നലെ കാര്യമായ ഇടിവാണ്‌ സംഭാവിച്ചത്‌. ഓഹരി വിപണി പ്രതീക്ഷിച്ച കാര്യങ്ങളൊന്നും ബജറ്റ്‌ പ്രഖ്യാപനത്തിലുണ്ടായിരുന്നില്ല.
ഉദാരവത്‌കരണവും വിദേശ സ്ഥാപനങ്ങളുടെ നേരിട്ടുള്ള ഓഹരി നിക്ഷേപവും ബറ്റില്‍ പ്രതീക്ഷിച്ചിരുന്നു. എന്നാല്‍ ഇതുണ്ടാവാത്തതും വിപണിക്ക്‌ ഇന്നലെ തിരിച്ചടി സൃഷ്ടിച്ചിരുന്നു. ഇന്ന്‌ വ്യാപാരം നടന്ന ഘട്ടങ്ങളില്‍ ചെറിയതോതിലാണ്‌ ഉണര്‍വ്‌ പ്രകടമായത്‌. വരും ദിവസങ്ങളില്‍ ഓഹരി വിപണിയില്‍ വളര്‍ച്ച രേഖപ്പെടുത്താനാണ്‌ സാധ്യത.
ഹാംസ്‌റ്റാഡ്‌: സ്വീഡനിലെ പിസാ സെന്ററുകളില്‍ ബഹുഭൂരിപക്ഷവും വൃത്തിഹീനമായവയാണെന്ന്‌ റിപ്പോര്‍ട്ട്‌. ഹാംസ്‌റ്റാഡില്‍ ഫുഡ്‌ സേഫ്‌ടി അതോറിട്ടി നടത്തിയ മിന്നല്‍ പരിശോധനയിലാണ്‌ ഈ ഞെട്ടിക്കുന്ന വിവരം കണ്ടെത്തിയത്‌. 
