റയാന്‍ എയറില്‍ സീറ്റ്‌ കിട്ടാത്തവര്‍ക്ക്‌ നിന്ന്‌ യാത്രചെയ്യാം
ഡബ്ലിന്‍: ലോകത്തെ ഏറ്റവും ചെലവുകുറഞ്ഞ യാത്രാസൗകര്യം ഉറപ്പാക്കുന്ന റയാന്‍ എയര്‍ വീണ്ടും വാര്‍ത്ത സൃഷ്ടിക്കുന്നു. വിമാനത്തില്‍ യാത്രക്കാര്‍ക്ക്‌ നിന്ന്‌ സഞ്ചരിക്കാനും അവസരമൊരുക്കാനാണ്‌ റയാന്‍ എയര്‍ അധികൃതര്‍ ഉദ്ദേശിക്കുന്നത്‌. ആഗോള സാമ്പത്തിക പ്രതിസന്ധിക്കാലത്തും റയാന്‍ എയറില്‍ യാത്രചെയ്യുന്നവരുടെ എണ്ണം വര്‍ധിക്കുന്നതിനാലാണ്‌ ഇത്തരമൊരു സാധ്യത കമ്പനി പരിഗണിക്കുന്നതെന്ന്‌ ചീഫ്‌ എക്‌സിക്യുട്ടിവ്‌ മൈക്കല്‍ ഒ`ലീറി അറിയിച്ചു. കഴിഞ്ഞ ജൂണില്‍ 2008 ജൂണിനെ അപേക്ഷിച്ച്‌ 13 ശതമാനം യാത്രക്കാരാണ്‌ റയാന്‍ എയറിന്റെ സേവനം ഉപയോഗിച്ചത്‌. ഏകദേശം ആറ്‌ മില്ല്യണ്‍ യാത്രക്കാര്‍ കഴിഞ്ഞമാസം റയാന്‍ എയറില്‍ വിമനയാത്ര നടത്തി. നിന്ന്‌ യാത്രചെയ്യുന്നവര്‍ക്കായി വിമാനത്തില്‍ പ്രത്യേകം സ്ഥലം ഒരുക്കാനാണ്‌ കമ്പനി ഉദ്ദേശിക്കുന്നത്‌.
0 comments:
Post a Comment