പന്നിപ്പനി: മരണം 45 ആയി

ചെന്നൈ: എച്ച്‌1 എന്‍1 പനി ബാധിച്ച്‌ ചെന്നൈയില്‍ ഒരാള്‍ മരിച്ചു. ഇതോടെ രാജ്യത്ത്‌ പന്നിപ്പനിയെ തുടര്‍ന്നു മരിക്കുന്നവരുടെ എണ്ണം 45 ആയി.
ബാംഗ്ലൂരില്‍ നാലും ഡല്‍ഹിയിലും ഗുജറാത്തിലും രണ്ടുവീതവും മുംബൈയിലും പുണെയിലും ഓരോരുത്തരും കഴിഞ്ഞ ദിവസം മരിച്ചിരുന്നു.
ഇതേവരെ രാജ്യത്ത്‌ പന്നിപ്പനി ബാധിച്ച്‌ ഏറ്റവും കൂടുതല്‍ മപര്‍ മരിച്ചത്‌ മഹാരാഷ്‌ട്രയിലാണ്‌. 21 പേര്‍ ഇവിടെ മരിച്ചു. ഇതില്‍ 16 മരണവും പൂനെയിലാണ്‌ സംഭവിച്ചത്‌.
കര്‍ണാടകയില്‍ പത്തും ഗുജറാത്തില്‍ അഞ്ചും ഡല്‍ഹി, ചത്തീസ്‌ഗഡ്‌, തമിഴ്‌നാട്‌ എന്നിവിടങ്ങളില്‍ രണ്ടു വീതവും കേരളത്തില്‍ ഒന്നും മരണമാണ്‌ സംഭവിച്ചത്‌. രാജ്യത്ത്‌ പന്നിപ്പനി ബാധിച്ചവരുടെ എണ്ണം 2401 ആയി ഉയര്‍ന്നിട്ടുണ്ട്‌.