വിമാനം അടിയന്തരമായി നിലത്തിറക്കി
ചെന്നൈ: സിംഗപ്പൂരില്‍നിന്നു വന്ന വിമാനം ടയര്‍ പൊട്ടിത്തെറിച്ചതിനെത്തുടര്‍ന്ന്‌ ചെന്നൈയില്‍ അടിയന്തരമായി നിലത്തിറക്കി. എയര്‍ ഇന്ത്യയുടെ എ319 വിമാനമാണ്‌ 132 യാത്രക്കാരുമായി അടിയന്തര ലാന്‍ഡിംഗ്‌ നടത്തിയത്‌. യാത്രക്കാരെല്ലാം സുരക്ഷിതരാണെന്ന്‌ അധികൃതര്‍ അറിയിച്ചു.
സിംഗപ്പൂരില്‍നിന്ന്‌ പറന്നുയരുന്നതിനിടെയാണ്‌ വിമാനത്തിന്റെ ടയര്‍ പൊട്ടിത്തെറിച്ചത്‌. പൈലറ്റ്‌ ഇക്കാര്യം അറിഞ്ഞില്ല. റണ്‍വേയില്‍ ടയറിന്റെ അവശിഷ്‌ടങ്ങള്‍ കണ്ട സിംഗപ്പൂര്‍ വിമാനത്താവള അധികൃതര്‍ ഇക്കാര്യം പൈലറ്റിനെ അറിയിക്കുകയായിരുന്നു.
തുടര്‍ന്ന്‌ പൈലറ്റ്‌ ചെന്നൈ വിമാനത്താവളത്തിലേക്കു സന്ദേശം നല്‍കി അടിയന്തര ലാന്‍ഡിംഗിന്‌ തയ്യാറെടുപ്പു നടത്തുകയായിരുന്നു. നിശ്ചയിച്ചതിലും പത്തുമിനിറ്റ്‌ വൈകിയാണ്‌ വിമാനം ഇറക്കിയത്‌.
0 comments:
Post a Comment